අවංකව පිළිගත්තොත්, අපි ගොඩක් දෙනා කන්නේ බඩගින්නට නෙවෙයිනේ. මානසික ආතතියට, පහසුවක් දැනිමට, කාලගුණයට, දවසේ යම් වෙලාවක් නිසා වගේ හේතු නිසායි අපි ගොඩක් දෙනෙක් කන්නේ. අපි ඇත්තම බඩගින්නට කෑම කන්නේ ඉතාම කලතුරකින් කිව්වොත් නිවැරදියි.

මෙහෙම අනවශ්‍ය ලෙස ආහාර ගැනීම ශාරිරික අවශ්‍යතාවයකට වඩා මානසික අවශ්‍යතාවයක්. මේ අවශ්‍යතාවය පාලනය කරගන්න විදියක් තියෙනවද? අපි අද ඔබ වෙත ගෙන එන්නේ මනෝ වෛද්‍යවරයෙක් සහ, ආහාර රුචිය පිළිබඳ පර්‍යේෂකයෙක් වෙන බ්‍රයන් වෑන්සින්ක් ගේ අලුත්ම කෘතියේ අඩංගු කරුණු ආශ්‍රිතව බර අඩු කිරීම හා ආහාර රුචිය සම්බන්ධ කරුණු කිහිපයකුයි.

01. නැවත පටන් ගන්න බය වෙන්න එපා

බර අඩුකරගන්න උත්සහ කරන ගොඩක් දෙනෙක්ට මේ වැඩේ වෙලා ඇති. ඔයා සම්පූර්ණයෙන්ම ආහාර පාලනය කරලා ගත කරපු සතියක අවසානයේ, එක රෑක එකපාරටම ඔයාට ශීතකරණයේ තියෙන චොක්ලට් එකක් අයිස් ක්‍රීම් එකක් කන්න ආශාවක් ඇති වෙන්න පුලුවන්.ඔයාට ඒක වළක්වා ගන්න බැරිව ඒක කන්නත් පුලුවන්. මේ වෙලාවට සම්පූර්ණයෙන්ම මානසිකව කඩා වැටිලා ඔයාගේ ආහාර පාලනයත් බර අඩු කරන ගමනත් නවත්වන්න එපා. චොක්ලට් එකක් කෑවා, වෙනත් අහිතකර කෑමක් කන්නේ නෑ කියලා හිතන්න. සන්සුන් වෙන්න. ඒක අමතක කරන්න. එහෙම දෙයක් නොවුණා වගේ කරගෙන යන්න. මේක නිතර වෙන දෙයක් බවට පත් කරගත්තොත් නම් ඔබ පරාදයි. නමුත් කලාතුරකින් සිද්ධ වෙන මෙහෙම දේවල් වලට මානසිකව වැටෙන්න එපා.

02. කෑම පිඟානේ ආහාර වර්ග දෙකක් අනිවාර්‍යෙන් තිබෙන බව සහතික කරගන්න

අපේ රටේ ප්‍රධාන ආහාර බත් නිසා බත් ආහාරයට ගන්න අයගේ කෑම පිඟානේ අනිවාර්‍යෙන් ආහාර වර්ග කිහිපයක් අඩංගු වෙනවා. නමුත් අපි වැඩිපුර කන්නේ බත් නේ. මේ වෙනුවට බත් හෝ ඔබ ගන්න ප්‍රධාන ආහාරයට සමානව තවත් ප්‍රධාන ආහාරයක් කෑම පිඟානට එක් කරගන්න. මස්, එළවලු ආදී ලෙස සමාන හා කුඩා ප්‍රමාණ වලින් ආහාර ගන්න.

03. දෙවන වර බෙදා ගැනීම අඩු කරන්න

අපි ගොඩක් දෙනෙක් දෙවනි පාර කෑම බෙදා ගන්නවා. මේක අඩුකරගන්න කෑම පිඟාන හෝ ආහාර වේල අවශ්‍ය ප්‍රමාණයට බෙදගෙන මුළුතැන් ගෙය හෝ ආහාර තිබෙන කෑම කාමරයෙන් ඈත වෙනත් තැනකට ගොස් කෑම කන්න. ඔබට දෙවනි වර නැවත කෑම කන්න හිතුනත් ආපහු බෙදාගන්න එනකොට ඒ අවශ්‍යතාවය නැති වෙලා තියේවි.

04. කාපු කෑම වල ඉතිරි කොටස් පේන්න තියාගන්න

කාපු කෑම වල ඉතිරි දේවල් ඉක්මනින් ඉවත් කළොත් ඔබට ඔබ කාලා තියෙන ප්‍රමාණය ගැන අදහසක් එන්නේ නැහැ. ඒ නිසා කෑම කාපු ඒවගේ ඉතිරි කොටස් පිඟානේම තියාගන්න.

05. කුඩා කෑම පිඟානකට බෙදාගන්න

පර්‍යෙෂණ රැසකින් හෙළි වෙලා තියෙනවා මිනිස්සු කෑම කන්නේ බඩ පිරෙනකල් නෙවෙයි, පිඟානේ කෑම ඉවර වෙනකල් කියලා. කුඩා පිඟානකට පොඩ්ඩක් බෙදාගෙන හෙමින් කල්පනාවෙන් කන්න. මේසයේ ඉතුරු වෙන කෑම ගැන බලන්න එපා.

06. තනියම කෑම කන්න

තනියම කෑම කනවිට එක්කෙනෙක් ගන්නා කෑම ප්‍රමාණය වගේ 30%ක් වැඩියෙන් තව කවුරු හරි එක්ක කෑම කනකොට පරිභෝජනය කරනව. යාලුවෝ කීප දෙනෙක් එක්ක කනකොට සාමාන්‍යෙන් කන ප්‍රමාණයට වඩා දෙගුණයක් පමණ වැඩියෙන් කැවෙනවා. ඒ නිසා හැකිතාක් ප්‍රධාන ආහාර වේලවල් තනියම ගන්න.

07. ලිස්ට් එකේ තියෙන බඩු විතරක් ගන්න

ෂොපින් කරන්න ගියාම දකින දකින අනවශ්‍ය දේවල් ගන්න එපා. කලින් ලියාගෙන යන අත්‍යාවශ්‍ය ද්‍රව්‍ය ලැයිස්තුවට විතරක් සීමා වෙන්න. ඒකෙන් ඔබට නිවසට රැගෙන එන අනවශ්‍ය ආහාර ප්‍රමාණය අඩු කරගන්න වගේම මුදල් නාස්තියත් අඩු කර ගන්න පුලුවන්.

08. රස කෑම ඈත් කර තියන්න

ගෙදර කන්න හිතෙන රස කෑම වර්ග ගොඩක් තියෙනවා නම් ඒවා ෆ්‍රිජ් එකේ ඈත මුලු වල විනිවිද නොපෙනෙන භාජන වල දාලා අරන් තියන්න. නැත්නම් ගෙදර නිතර යැවෙන්නේ නැති තැනක ගබඩා කරන්න. නමුත් මේ කෑම වර්ග සම්පූර්ණයෙන්ම ඉවත් කරන්න එපා. ගෙදර රස කෑම නෑ කියන සිතුවිල්ල නිසා ඔබට කාර්‍යාලයේදී හෝ පිටතදී එවැනි කෑම කන්න හිතෙන ප්‍රමාණය වැඩි වේවි.

09. හොඳින් කෑම සපන්න

ඕනෑම ආහාර කටක් අවම වශයෙන් 32වරක් සැපුවොත් රස නහර ඉක්මණින් සංතෘප්ත වී ආහාර රුචිය අඩු වෙනවා.

10. උදෑසන ආහාරය අනිවාර්යයි

වෑන්සින්ක් පර්‍යේෂ්ණයක් සඳහා ආරාධනා කළ ලස්සන සිරුරක් හිමි කාන්තාවන් 100කගෙන් 4 දෙනෙක් හැර අනෙක් සියලුදෙනාම කිව්වෙ ඔවුන් අනිවාර්‍යෙන්ම උදේ ආහාරය ගන්නවා කියලා. ඒ වගේම තරබාරු කාන්තාවන් වැඩි දෙනෙක් මහත් වෙනවාට බියෙන් උදේ ආහාරය මග හැරලා තිබුණා.

11. ආහා‍ර පෝෂන් ලෙස ලබාගන්න

කැම ගන්න කොට කෙලින්ම වලං මුට්ටි වලින් බෙදාගන්නවා වෙනුවට කුඩා පෝෂන් ලෙස වෙනම මේසයකට යවා බෙදාගන්න.

12. හැමදේම එකපාර කරන්න යන්න එපා

ඔබ බර අඩු කිරීම ගැන ඉගෙන ගන්න හැම දෙයක්ම එකවර කරන්න එපා. සතියකට එක ක්‍රමයක් භාවිතා කරලා බලන්න

LEAVE A REPLY

Please enter your comment!
Please enter your name here